ຮອງລັດຖະມົນຕີກະຊວງປ້ອງກັນຄວາມສະຫງົບ ໄດ້ໂອ້ລົມ ຕໍ່ກອງປະຊຸມສະຫຼຸບວຽກງານປະຈຳປີ 2024 ແລະ ທິດທາງແຜນ ປີ 2025 ຂອງກົມຄຸ້ມຄອງສຳມະໂນຄົວ ແລະກໍ່ສ້າງຮາກຖານ

ໃນວັນທີ 28ມັງກອນ 2025 ນີ້ ທ່ານ ພົທ ຄໍາກີ່ງ ຜຸຍຫຼ້າມະນີວົງ ຮອງລັດຖະມົນຕີກະຊວງປ້ອງກັນຄວາມສະຫງົບ ໄດ້ໂອ້ລົມຕໍ່ກອງປະຊຸມສະຫຼຸບວຽກງານປະຈຳປີ 2024 ແລະ ທິດທາງແຜນ ປີ 2025 ຂອງກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ, ມີຄະນະພັກ-ຄະນະກົມ, ບັນດາພະແນກ, ສູນຂໍ້ມູນພົນລະເມືອງ ແລະ ບັດປະຈຳຕົວ, ກອງກໍ່ສ້າງຮາກຖານ ແລະ ໜ່ວຍງານອ້ອມຂ້າງກົມເຂົ້າຮ່ວມ.

ເຊີ່ງກ່ອນອື່ນທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານຍາດມາໄດ້ໃນໄລຍະຜ່ານມາ ແລະທ່ານຍັງໄດ້ເນັ້ນໜັກໃຫ້ຄະນະພັກ-ຄະນະບັນຊາເອົາໃຈ່ໃສ່ນໍາພາ-ບັນຊາ ວຽກງານສຶກສາອົບຮົມການເມືອງແນວຄິດໃຫ້ຖັນແຖວນາຍ ແລະ ພົນຕຳຫຼວດ ຕະຫຼອດຮອດພໍ່ແມ່ປະຊາຊົນບັນດາເຜົ່າ ໂດຍນຳເອົາບັນດາເອກະສານ, ມະຕິ, ຄໍາສັ່ງຕ່າງໆ ນັບທັງບັນດາພຶດຕິກຳເຫດການຕົວຈິງລົງເຜີຍແຜ່ສູ່ຮາກຖານທ້ອງຖິ່ນ, ປັບປຸງຄືນກົງຈັກການຈັດຕັ້ງຢູ່ກົມກອງ ລວມທັງກຳລັງ ປກສ ກຸ່ມບ້ານ, ປກສ ບ້ານ ໃຫ້ເຂັ້ມແຂງ, ສ້າງໃຫ້ໄດ້ພະນັກງານສືບທອດປ່ຽນແທນແນ່ໃສ່ຮັບປະກັນ ທາງດ້ານແບບແຜນວິທີເຮັດວຽກ, ທັດສະນະຄຸນທາດການເມືອງຕິດພັນກັບຄວາມຮັບຜິດຊອບຕໍ່ໜ້າທີ່ ການເມືອງຂອງຕົນ, ມີຄວາມເຂັ້ມແຂງທາງດ້ານການຈັດຕັ້ງ, ເກັ່ງທາງດ້ານວິຊາສະເພາະ ແລະ ຫັນເປັນມືອາຊີບ; ຫັນກໍາລັງລົງກໍ່ສ້າງຮາກຖານການເມືອງຕາມທິດຊີ້ນໍາຂອງກົມການເມືອງສູນກາງພັກ ກໍ່ຄືກະຊວງປ້ອງກັນຄວາມສະຫງົບ, ສຸມໃສ່ຈັດຕັ້ງຜັນຂະຫຍາຍວາລະແຫ່ງຊາດ ວ່າດ້ວຍການແກ້ ໄຂບັນຫາຢາເສບຕິດ, ຕິດພັນກັບການແກ້ໄຂບັນຫາຫຍໍ້ທໍ້ຕ່າງໆຢູ່ທ້ອງຖິ່ນຮາກຖານ, ສຸມໃສ່ເຮັດວຽກງານວິຊາສະເພາະຄຸ້ມຄອງການເໜັງຕີງຂອງພົນລະເມືອງ ກຳໃຫ້ໄດ້ການເພີ່ມ-ຫຼຸດ, ການຍົກຍ້າຍເຂົ້າ-ອອກ ຂອງພົນລະເມືອງແບບຊະຊາຍ, ເຂົ້າເມືອງຜິດກົດໝາຍ, ການຂຶ້ນທະບຽນສໍາມະໂນຄົວ ແລະ ອອກບັດປະຈຳຕົວຄົນລາວ-ຄົນຕ່າງດ້າວ, ການຄຸ້ມຄອງ ອາຊີບ-ພາຫະນະພິເສດ ໃຫ້ເຂົ້າສູ່ລະບຽບຫຼັກການ, ຈັດຕັ້ງຜັນຂະຫຍາຍ ຄໍາສັ່ງເລກທີ 11/ນຍ ຄຸ້ມຄອງຜະລິດກາປະທັບຕ່າງໆໃຫ້ຖືກຕ້ອງ ແລະ ທ່ວງທັນກັບຄວາມ ຕ້ອງການຂອງສັງຄົມ ສືບຕໍ່ສຸມໃສ່ເຮັດວຽກງານໂຄງການສ້າງຖານຄຸ້ມຄອງພົນລະເມືອງ ແລະ ບັດປະຈຳຕົວ ໃຫ້ສຳເລັດໄປຕາມແຜນທີ່ກຳນົດໄວ້, ເອົາໃຈໃສາປະສານສົມທົບກັບພາກສ່ວນທີ່ກ່ຽວຂ້ອງຈັດຕັ້ງຝືກອົບຮົມ, ປັບປຸງລັງ ປກສ ກຸ່ມ ບ້ານ, ປກສ ບ້ານ ຕິດພັນກັບກອງຫຼອນເພື່ອໃຫ້ເຂົາເຈົ້າຮັບຮູ້ ແລະ ເຂົ້າໃຈຢ່າງເລິກເຊິ່ງຕໍ່ ພາລະບົດ ບາດ, ສິດ- ໜ້າທີ່ຂອງຕົນ ແລະ ເພື່ອຍົກລະດັບໃຫ້ກຳລັງດັ່ງກ່າວໃຫ້ມີຄວາມຮູ້ຄວາມສາມາດໃນ ການປະຕິບັດໜ້າທີ່ເປັນເສນາທິການໃຫ້ແກ່ກໍາລັງປ້ອງກັນຄວາມສະຫງົບຢູ່ທ້ອງຖິ່ນຮາກຖານ: ສຸມໃສ່ປະສານສົມທົບແໜ້ນກັບບັນດາກອງບັນຊາການ ປກສ ແຂວງ, ເມືອງ ແລະ ອົງການປົກຄອງທ້ອງຖິ່ນແຕ່ລະຂັ້ນ ໂດຍສະເພາະຢູ່ບັນດາຈຸດຫຼໍ່ແຫຼມກອງກໍ່ສ້າງຮາກຖານ ເປັນເຈົ້າການເຂົ້າຮ່ວມໃນການຈັດຕັ້ງປະຕິບັດ ຄຳສັ່ງ ແລະ ທິດທາງແຜນການ ຂອງແຂວງ, ເມືອງກໍ່ຄືຂອງກະຊວງປ້ອງກັນຄວາມສະຫງົບໃຫ້ມີປະສິດທິຜົນພ້ອມທັງມີການ ສະຫຼຸບລາຍງານແຕ່ລະໄລຍະໃຫ້ຂັ້ນເທິງເປັນປົກກະຕິ.