ພັອ ສີບຸນເຮືອງ ໄຊຍະເພັດ ລົງພົບປະຢ້ຽມຢາມອຳນາດການປົກຄອງບ້ານ ແລະ ພະນັກງານຮາກຖານ ກອງກໍ່ສ້າງຮາກຖານ 915

ພັອ ສີບຸນເຮືອງ ໄຊຍະເພັດ ຮອງຫົວໜ້າກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ລົງພົບປະຢ້ຽມຢາມອຳນາດການປົກຄອງບ້ານ ແລະ ພະນັກງານຮາກຖານ ກອງກໍ່ສ້າງຮາກຖານ 915 ປະຈຳຢູ່ບ້ານ ທົ່ງຮັກ ເມືອງອານຸວົງ ແຂວງໄຊສົມບູນ

ໃນໂອກາດລົງພົບປະ ແລະ ຢ້ຽມຢາມໃນຄັ້ງນີ້ ໄດ້ຮັບຟັງການລາຍງານ ສະພາບການຈັດຕັ້ງປະຕິບັດວຽກງານຂອງບ້ານ ຜ່ານມາຄະນະພັກ-ອຳນາດການປົກຄອງບ້ານ ໄດ້ຖືສຳຄັນວຽກສຶກສາອົບຮົມການເມືອງ-ແນວຄິດເປັນກົກ ໂດຍສຸມໃສ່ການນຳເອົາແນວທາງນະໂຍບາຍ, ມະຕິ, ຄຳສັ່ງ, ເອກະສານ ແລະ ນິຕິກຳຕ່າງໆຂອງຄະນະພັກຂັ້ນເທິງ ມາຈັດຕັ້ງເຜີຍແຜ່ ໃຫ້ພໍ່ແມ່ປະຊາຊົນພາຍໃນບ້ານເປັນປົກກະຕິ; ປຸກລະດົມຊຸກຍູ້ ພໍ່ແມ່ປະຊາຊົນພາຍໃນບ້ານ ທຳການຜະລິດ, ທຳມາຫາກິນ ແລະ ການປະກອບສ່ວນໃຫ້ແກ່ການພັດທະນາຂອງບ້ານ, ປຸກລະດົມປະຊາຊົນທົ່ວສັງຄົມ ເຂົ້າໃນການພັດທະນາພຶ້ນຖານໂຄງລ່າງການສຶກສາ ແລະ ລະດົມນັກຮຽນພາຍໃນບ້ານໄດ້ເຂົ້າໂຮງຮຽນ ຢ່າງທົ່ວເຖິງ.
ຈາກນັ້ນ ພັອ ສີບຸນເຮືອງ ໄຊຍະເພັດ ໄດ້ສະແດງຄວາມຍ້ອງຍໍເຊົມເຊີຍ ອຳນາດການປົກຄອງບ້ານ ແລະ ພະນັກງານຮາກຖານ ທີ່ໄດ້ສຸມທຸກເຫື່ອແຮງສະຕິປັນຍາເຂົ້າໃນການຈັດຕັ້ງປະຕິບັດທຸກໆວຽກງານຂອງບ້ານ ແລະ ໂອກາດນີ້ທ່ານຍັງໄດ້ເໜັ້ນໜັກໃຫ້ເອົາໃຈໃສ່ເຮັດວຽກງານສືກສາອົບຮົມການເມືອງນຳພາແນວຄິດ ເຜີຍແຜ່ມະຕິ, ຄຳສັ່ງໃຫ້ພໍ່ແມ່ ປະຊາຊົນຮັບຮູ້ເຂົ້າໃຈຕໍ່ແນວທາງນະໂຍບາຍຂອງພັກ-ລັດ ໃຫ້ໜັກແໜ້ນ ເຂັ້ມແຂງ ປຸກລະດົມປະປະຊາຊົນພາຍໃນບ້ານປະກອບສ່ວນເຂົ້າໃນວົງການ ປ້ອງກັນຊາດ- ປ້ອງກນຄວາມສະຫງົບ ສຸມໃສ່ເຮັດວຽກງານຢ້ຽມຢາມຖາມຂ່າວ, ນຳພາກຳລັງ ປກສ ບ້ານ ກວດກາສາລະເວ ປ້ອງກັນເວນຍາມບ້ານ ເກັບກຳໃຫ້ໄດ້ບັນຫາປະກົດການຫຍໍ້ທໍ້ຕ່າງໆ ແລະ ເອົາໃຈໃສ່ທຳການຜະລິດ ປຸກຝັງ, ລ້ຽງສັດ ມີຄຸນສົມບັດ, ສິນທໍາປະຕິວັດ, ຄຸນທາດການເມືອງໜັກແໜ້ນ, ມີແບບແຜນດໍາລົງຊີວິດປອດໃສຂາວສະອາດ, ເສີມຂະຫຍາຍມູນເຊື້ອດຸໝັ່ນ ເພິ່ງຕົນເອງ ກຸ້ມຕົນເອງ ແລະ ສ້ງຄວາມເຂັ້ມແຂງດ້ວຍຕົນເອງ ດີຂື້ນເທື່ອລະກ້າວ.